Dishonesty

بدگمانی

 کسی کے بارے میں اچھا گمان نہ رکھنے کو بد گمانی کہا جاتا ہے۔ بغیر کسی تحقیق کے اپنے دل میں طرح طرح کے خیالات پیدا کرتے رہنا کوئی اچھی عادت نہیں جہاں کسی دو شخصوں کو دیکھا کہ وہ کوئی بات چیت کر رہے ہیں تو اپنے دل میں یہ سوچ پیدا کر لینا کہ وہ میرے خلاف ہی کچھ کر رہے ہیں،بدگمانی کے زمرے میں شمار ہوگا یہ عادت بہت بری ہے اور اللہ تعالی نے اسے گناہ قرار دیا ہے لہٰذا جب تک واضح دلیل سے کسی بات کا یقین نہ ہو جائے ہرگز ہرگز بے بنیاد گمان سے کوئی رائے قائم نہیں کرنی چاہیے کیونکہ حضور اکرم صلی اللہ علیہ وسلم نے بدگمانی سے منع فرمایا ہے۔

حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا بدگمانی سے بچو۔

 کیوں کہ بدگمانی سب سے جھوٹی بات ہے۔اور ایک دوسرے کی عیب جوئی نہ کرو، باتیں چھپ کر نہ سنو، برتری نہ جتاؤ، حسد نہ کرو، عداوت نہ رکھو، اور پیٹھ پیچھے برائی نہ کرو۔ اور اللہ   کے حضور آپس میں بھائی بھائی بن جاؤ۔
                         (بخاری شریف)